Nainagurahan ug nabendisyonan na ang Halad Museum kang kansang opisyal nga ngalan mao “Ang Tipiganan sa mga Handumanan sa Kanta ug Kinaiyang Sugbuanon.”
Gimugna kini ni Sir Dodong Gullas kinsa midedikar niini ngadto sa mga ginikanan nga sila si Don Vicente Gullas ug Inday Josefina “Pining” Rivera Gullas.
Ang maong museum, nga naa nahimutang sa daang bilding sa The Freeman sa V. Gullas St., maoy tipiganan sa mga butang nga dunay kalabotan sa bililhong kabiling Sugbuanon sa natad sa musika ug sa kinaiyang tradisyon sa Sugbu.
Anhi dinhi tipigan ug preserbahon ang maong kabilin aron dili malubong sa kalimot ug kahinuktukan sa mga henerasyong umaabot.
Miduyog kami sa daghang Sugbuanon nga mipahalipay kang Sir Dodong Gullas sa pagbukas niining bililhong kaakuhan.