Higpit nga proteksiyon ang gihatag sa NBI ngadto ni Mayor Andal Ampatuan Jr., ang principal suspect sa masaker sa Maguindanao.
Gawas sa pagpasul-ob kaniya og bullet proof nga jacket, gatusan ka mga polis ang gi-deploy sa mga dapit diin miagi ang iyang konboy padung sa iyang bista didto sa Quezon City.
Dinhi iyang makita kun giunsa sa mga tinugyanan sa balaud ang paghatag og dakong bili sa kinabuhi sa usa ka tawo bisan pa kini giakusahan nga dunay kalabutan sa pagpatay og 57 ka mga inosenteng tawo.
Hinaut nga kining proteksiyon nga gihatag ngadto ni Ampatuan Jr. makapaabli sa mga mata ug hunahuna ni Ampatuan ug sa iyang mga sagabay.