EDITORYAL - Mga bayani ug martir

Suma sa balita, dose (12) ka journalists kun tigbalita ang gipamatay didto sa Maguindanao diin sila nagtuman sa ilang katungdanan isip mga sakop sa lehitimong media.

Kining dose nato ka mga kauban sa buhat angay’ng tawgon nga mga bayani ug mga martir pa gani gumikan sa kaisog nga ilang gipakita sa pagtuman sa ilang tahas bisan pa sa kakuyaw niini.

Kining nahitabo sa dose ka sakop sa prensa giila nga labing makalilisang ug mabangis nga krimen batok sa atong mga tigbalita sud sa kasaysayan sa atong nasud.

Misaad ang gobiyerno nga hatagan kini’g dinaliang aksiyon ug pahamtangan og labing bug-at nga silot ang mga nalambigit sa krimen.

Apan daghang sakop sa media ang misalikway sa maong saad. Gatusan na ka mga tigbalita ang gipamatay apan sa atong nahibaw-an wala pay bisan usa nga mamumuno og taga media ang nakadawat og labing bug-at nga silot nga kanunay isaad sa kagamhanan.

Show comments