Sa diyotay nga pan ug mga isda napakaon ni Jesus ang lima ka libo nga katawhan. Nahimo kini tungod sa yanong bata nga mipaambit sa iyang dala niadtong maong panahon sa panginahanglan. Adunay pipila ka mahinungdanong punto sa pamalandong ang atong mapupo gikan niining maong hitabo: Una, dunay dakong milagro nga mahitabo kun ang tawo maantigo lang gyud nga mopaambit sa iyang Time, Talent, and Treasure alang sa kinabag-an. Ug ang yanong paghatag nga inubanan og gugma ang makapahimo usab sa uban nga maagni ug masibot diha sa paghatag.