EDITORYAL - Toneladas nga basura

Gatusan ka toneladas nga basura ang nakolekta sa kadalanan ug ubang dapit sa siyudad human sa kasaulogan sa Sinulog festival ning tuiga.

Kini mipakita nga ang mga nisaulog sa Sinulog nipataka la’g labay sa ilang basura diin gisalikway lang ang anti-littering ordinance ug ang environmental concerns.

Hinuon dili kalikayan ang pagpasagad og labay sa basura ug mga sagbot atol sa mga kalingawan sama sa Sinulog festival. Kinsa pa may mangita’g trash can samtang naghugyaw ug naghudyaka ang tanan?

Tingali makapangitag paagi ang kagamhanan sa siyudad nga sa sunod Sinulog mapamenos-menosan ang gidaghanon sa basura.

Bisan pa sa argumento sa pipila ka tigpaniid nga dili gyud mabangbang ang basura atol sa Sinulog ug “let’s just try to live with this.”