Gikan sa cell. no. 0929-6718847: “Naay modus operandi sa Pier Tres. Kanang kariton sobra kun maningil. Gikan pier kutob taxi P150. Sila pod ang magbuot asa ta sakay. Ang mga taxi wa gihapon mogamit og meter.” -- (Sent: 09:32:36am-- October 23, 2008)
Tinuod nga wala gyu’y klaro kanang pagpangolekta sa mga porter diha sa Pier 3 sa mga pasahero nga mopaserbisyo nila pinaagi sa pagpahakot sa mga bagahe. Angay unta nga hapsayon nila kana ug pasabton ang publiko nganong dagko kaayo sila’g koleksiyon kun moserbisyo sila sa mga bagahe.
Kanang bahin sa taxi nga wala mogamit sa meter, mahimong isumbong kana ninyo sa LTFRB o ba kaha sa LTO. Kuhaa ang plate number ug LTFB case number niini.
* * *
“Good day, Sir. Diri sa amo Pusok Seaside naay daghang balay nga puro nag-jumper sa kuryente. Di ba bawal man ni? Naay silingan namo nagtrabaho sa city hall walay aksiyon.” -- 0922-2912509 (Sent: 01: 31:01pm-- October 23, 2008)
Kay nasugdan mo na man ang pagpakabana, higalang texter, hingpita na lang gyud. Isumbong kanang nang-jumper ngadto sa tig-supply og kuryente diha sa Lapulapu--VECO ba o MECO kanang inyo diha -- aron ila kanang masusi.
* * *
Ang naggamit sa cell. no. 0919-7332870 ni-text nako niadtong October 23, 2008 aron pagpadangat sa iyang reklamo mahitungod sa usa ka national high school nga nahimutang sa usa ka barangay sa Carcar City.
Sumala sa iyang sumbong, ang prinsipal sa maong tulonghaan manghulga (kuno) sa mga estudyante nga hagbongon kun dili makabayad sa school publication. Dili sab kuno pirmahan ang clearance sa mga estudyante.
Ang mga ginikanan wala makahibalo sa maong amotan kay wala man sila gi-meeting. Tag P52 kuno ang bayad para sa school publication. Ug matawag nga compulsory kay dili man mapirmahan ang clearance sa mga estudyante ug posible pa silang mahagbong kun dili makabayad.
Sa mga public school, voluntary ang tanang contribution. Walay compulsory. Busa, angay ning susihon sa DepEd.
* * *
(Sumbong ug reklamo? Text sa 0910-8105522).