EDITORYAL - Daghang salamat kaninyong tanan

Karong adlawa, Agosto 23, 2008, atong gisaulog, bisan sa simple lang nga paagi, ang ika-14 katuig nga kasumaran sa “pagkatawo” niining inyong kinaham nga Banat News.

Gimugna kining maong pamantalaan isip tubag sa dugay nang gikinahanglan ning atong komunidad nga usa ka periodiko lang sa  masa diin Sinugbuanon ang pinulongan nga gigamit.

Salamat nga milampos ug milambo kining maong pamantalaan. Ug niining tungora among pasalamatan ang nagkadaghan nga magbabasa ug ang atong mga advertiser usab kang kansang dakong suporta mibulig kanamo sa pagduso ngadto sa unahan niining labing una nga Binisaya nga tabloid sa Sugbu.

Magpadayon ang atong pagpaninguha nga mapanindot pa gyud ang Banat News alang sa inyong hingpit nga katagbawan.