^

PSN Opinyon

Elorde ug Pacquiao

ARANGKADA - Leo Lastimosa -
Bisan sa pasidaan ni Homer Sayson nga di makiangayon nga itandi silang Manny "Pacman" Pacquiao ug Gabriel "Flash" Elorde, ug nga di pa hinog ang panahon aron lalisan kinsa nila ang mas bantogang boksidor, ang mga sakop sa panel sa Kulokabildo.Com, ang sinemanang media forum sa DYAB Abante Bisaya sa Ayala Activity Center, isog nga nisanong sa among pamarayeg. Niang nakit-an nilang managsama sa duha ka higante sa boksing:

• Managsama silang walhon ug samang Elorde si Pacquiao kamao na sang mogamit sa iyang tuo, salamat ni Freddie Roach;

• Managsama silang kabos kaayo og kagikan sa ilang pagsugod og katkat sa ring; ug

• Managsama silang nakahatag og talagsaong kadungganan sa Pilipinas.
* * *
Niang pagtandi sa mga numero nilang Elorde ug Pacquiao:

Away - Daog - Pilde - Tabla - KOs

Elorde - 117 - 88 - 27 - 2 - 33

Pacquiao - 43 - 38 - 3 - 2 - 33

• Sa gidaghanon sa away, dako ang labaw ni Elorde (117 batok 43), apan nagsige pag himo sa iyang kasaysayan si Pacquiao;

• Nakabentaha hinuon si Pacquiao sa padaghanay og daog, 88% batok sa 75% lang ni Elorde;

• Makalilisang sab ang knockouts ni Pacquiao, 77% batok sa 28% lang ni Elorde.

• Mas sayon sab ang ruta sa pagsugod ni Pacquiao, nahimo siyang world champion nga usa pay pilde samtang si Elorde napilde og kapito una na-kampeyon sa tibuok kalibotan.
* * *
Apan ang record ni Elorde nga wa pa hibaw-i kon maapsan bang Pacquiao mao ang kataas sa iyang paghupot sa bakos sa World Boxing Council (WBC) Super Featherweight: Pito ka tuig ug tulo ka buwan (gikan sa Marso 20, 1960 dihang iyang gipalukapa si Harold Gomes hangtod sa Hunyo 15, 1967 kanus-a gipilde siya ni Yoshiaki Numata). Kapin sab sa upat ka tuig siyang kampeyon sa WBA Super Featherweight gikan sa Pebrero 16, 1963 hangtod Hunyo 15, 1967.

Si Elorde say labing unang Pinoy ug Asian nga nahimuntog sa International Boxing Hall of Fame sa New York niadtong 1993 ug sa World Boxing Hall of Fame.
* * *
Gihulagway hinuon sa panel nga mas lig-on ang mga kaatbang nga gipukan ni Pacquiao, nga ang labing uwahi mao ang duha ka higante sa Mexico-silang Marco Antonio Barrera ug Erik Morales. Gidayeg sab silang estilo ni Pacquiao nga mas paspas, kusganon ug makalingaw.

Laing bentaha ni Pacquiao, nga wa gyoy mahimo pagpanagang si Elorde, mao nga nisulbong siya ning panahon sa cable TV ug sa Internet. Nahibaw-an dayon sa tibuok kalibotan ang iyang pagpalukapa ni Morales pinaagi sa pay per view samtang ang duguon, mabulukon ug makasaysayanon sang kadaogan ni Elorde batok nilang Gomes ug Sandy Saddler nahibaw-an sa mga Pilipinhon pinaagi sa Manila Times pagka sunod nang buntag.
* * *
Email: [email protected]

ABANTE BISAYA

AYALA ACTIVITY CENTER

CENTER

ELORDE

MANAGSAMA

PACQUIAO

SUPER FEATHERWEIGHT

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with