EDITORYAL – Mi-enter ang mga politiko

Ang kaso bahin sa pag-ilis sa customs collector dinhi sa Sugbo nahimo nang political circus.

Dunay pundok sa mga politiko nga buot hawiran ang incumbent collector nga si Lourdes Mangaoang ug anaa say laing pundok sa mga politiko gihapon nga gustong palayason si Mangaoang ug hulipan kini ni NAIA Deputy Customs Collector Grace Caringal.

Tungod sa politika napugngan ang pagbalhin kang Mangaoang ngadtos port of Iloilo ug nasango usab ang pag-take over ni Caringal.

Ambot unsay naa sa Cebu Customs nga inilogan man kini sa mga Customs Collector. Ug ambot usab unsay naa sa maong Customs District nga masigpaluyo man ang mga politiko sa mga Collector nga idestino dinhi.

Ug nganong mopilit man dinhi ang customs collector nga madestino dinhi?

Di ba maayong pasagdan lang ang kadagkuan sa Bureau of Customs, sa pagpili sa tawo nga ilang gustong padumahon sa Customs District kay sila man ang nasayod sa kalipikasyon ug abilidad niini.