EDITORYAL – Buhis sa suweldo misaka na

Mga empleyado sa usa ka kompaniya nga nagtigum sa usa ka luhong kan-anan sa usa ka shopping mall mihisgut bahin sa umaabot nga pagpatuman sa expanded value added tax (EVAT).

Silang upat pulos nasagmuyo sa withholding tax nga gilaslas sa iyang suweldo.

Usa kanila nagkanayon: "Nikuyos nag samot ang akong take-home pay tungod sa withholding tax nga gipasak-an."

Miuyon ang iyang mga kauban. Gani ang usa kanila misulti nga na-overdraft siya ning panuweldoha tungod sa kakalit nga pag-umento sa iyang withholding tax.

Wa tay mahimo ani. Piyungan na lang ang pagbayad sa buhis kay matud pa sa Pangulo makaayo kini sa ekonomiya sa nasud. Basta gamiton lang unta sa hustong paagi ang kuwarta nga gipatuag singot sa magbubuhis.