Driver’s license renewal, aarangkada sa Abril – LTO
MANILA, Philippines — Nagpalabas ng renewal schedule ang Land Transportation Office para sa plastic-printed driver’s license.
Ayon kay LTO chief Vigor Mendoza, kasunod ito ng pagbawi ng Court of Appeals sa injunction order para sa lisensiya.
Aniya, aarangkada ang pagpapalabas ng plastic na driver’s license matapos ang paggunita sa Semana Santa o sa Abril.
“So I have already instructed our officials down to the regional level to prepare this list of schedules and finish it before Maundy Thursday. Our goal is to start the distribution process of the plastic-printed driver’s license next week,” dagdag ni Mendoza.
Base sa memorandum, para sa mga driver’s licenses na may expiration dates mula April 1 hanggang August 31, 2023 at April 1-30, 2024, maaari silang mag-renew ng lisensya sa April 15-30, 2024.
Para naman sa driver’s license na may expiration dates mula Sept. 1-December 31, 2023 at May 1-31, 2024, maaaring mag-renew sa May 1-31, 2024;
Para sa driver’s licenses na may expiration dates mula Enero 1 hanggang March 31 2024 at June 1-30, 2024, maaaring mag-renew ng Hunyo 1-30, 2024.
“Failure of the driver to renew his/her driver’s license within the prescribed schedule shall render the license expired,” saad ng memorandum.
- Latest
