Sa pagpasok ng Setyembre bagong kaso ng COVID-19, aakyat ng 20K kada araw
MANILA, Philippines — Inaasahan ng OCTA Research Group na posibleng umakyat ang arawang average ng bagong kaso sa higit 20,000 ngayong darating na Setyembre.
Ito ay makaraang maitala ang panibagong rekord na 19,441 kaso nitong Sabado para umakyat ang kabuuang kaso sa Pilipinas sa higit 1.9 milyon at ang aktibong kaso sa 142,679.
Naitala naman ang bagong kaso sa Metro Manila nitong Sabado sa 5,085.
Bagama’t bumababa ang reproduction number, mataas pa rin ito sa 1.0 na nangangahulugan na patuloy ang pagtaas ng mga kaso at inaasahan na sa una o ikalawang linggo ng Setyembre maaabot ang peak ng mga kaso ng COVID-19.
Sa National Capital Region(NCR), naitala ang growth rate ng nakalipas na linggo sa 11% na mas mababa sa 24% ng sinundang linggo.
Kaya’t inaasahan ng OCTA na malapit nang magkaroon ng ‘negative growth rate’ kung magpapatuloy ang trend.
- Latest
