MANILA, Philippines — Mayroon nang bagong tagapagsalita ang Philippine Health Insurance Corporation (PhilHealth).
Sa abiso ng PhilHealth kahapon, nabatid na ito’y sa katauhan ni Dr. Israel Francis A. Pargas na siyang Senior Vice President ng Health Finance Policy Sector.
“Please be informed that effective immediately, PhilHealth’s new spokesperson is Dr. Israel Francis “Doc Ish” A. Pargas, Senior Vice President, Health Finance Policy Sector,” abiso ng PhilHealth.
Ang pagkakatalaga kay Pargas ay isang buwan lamang matapos na unang maitalaga si Dr. Albert Domingo bilang tagapagsalita ng PhilHealth.
Kaugnay nito, sinabi ng PhilHealth na ipagpapatuloy naman ni Domingo ang kanyang gampanin bilang PhilHealth Vice President for Primary Care at Head Executive Staff ng Chairman of the Board.
Samantala, si Rey Baleña naman ay mananatili umanong Senior Manager ng Corporate Communication at concurrently Vice President for Corporate Affairs.