Face mask mandatory pa rin sa loob ng eroplano - MIAA
MANILA, Philippines — Naglabas nang paglilinaw ang Manila International Airport Authority (MIAA) sa pinaiiral na optional na pagsusuot ng face mask.
Sa abiso ng MIAA, iginiit nito na pinaiiral lamang ang optional na pagsusuot ng face mask sa loob ng airport
Gayunman, nananatili itong mandatory sa loob ng eroplano.
Inoobliga rin anila ang pagsusuot ng facemask sa transportation vehicles tulad ng airport buses.
Samantala, nilinaw ng MIAA na may sapat silang tauhan sa nalalapit na Semana Santa sa inaasahang pagdagsa ng mga pasahero sa mga paliparan.
Tiniyak din ng MIAA na magdaragdag sila ng mga tauhan sa airport para matiyak na mabilis ang magiging proseso sa pagbiyahe ng mga pasahero.
- Latest