Water interruption sa ilang bahagi ng NCR, Cavite hanggang Marso 21 pa

MANILA, Philippines — Patuloy pa ring makakaranas ng daily water service interruption ang ilang bahagi ng Metro Manila at Cavite hanggang sa Marso 21.

Sa anunsiyo sa kanilang Facebook account, sinabi ng Maynilad Water Services na kabilang sa mga apektadong lugar ay ilang barangay sa Las Piñas City, Muntinlupa City at Parañaque City.

Nakakaapekto rin naman ang naturang water service interruption sa Bacoor City, Cavite City, Imus City, Noveleta, at Rosario sa Cavite.

Anang Maynilad, ang interruption sa serbisyo ng tubig na araw-araw na ipinatutupad simula noong Marso 17, ay sanhi ng “prolonged high raw water turbidity” na hatid ng hanging Amihan.

Kaugnay nito, patuloy na hinihikayat ng Maynilad ang kanilang mga kostumer na apektado ng naturang water interruption na mag-imbak ng sapat na tubig kung kailan available ang suplay nito.

“We encourage our affected customers to store enough water when supply is available. Upon resumption of water service, please let the water flow out briefly until it clears,” abiso pa nito. “Our mobile water tankers are also doing the rounds of the affected areas to deliver potable water, and stationary water tanks are installed in several areas,” dagdag pa ng Maynilad.