2nd booster sa immunocompromised aarangkada na sa San Juan City
MANILA, Philippines — Nakatakda nang ilunsad ng San Juan City government ngayong Martes, Abril 26, ang second booster shot para sa mga immunocompromised individuals sa kanilang lugar.
Ayon kay San Juan City Mayor Francis Zamora, pangungunahan niya ang paglulunsad ng naturang proyekto ganap na alas-8:30 ng umaga sa ikatlong palapag ng VMall Greenhills Shopping Center.
Ani Zamora, kabilang sa mga indibidwal na kabilang sa immunocompromised category ay yaong nasa immunodeficiency state, may HIV, may active cancer o malignancy, transplant recipients, sumasailalim sa steroid treatment, mga pasyenteng may poor prognosis o bed-ridden, at yaong ang mga kondisyon ay sinertipikahan ng mga doktor.
“We welcome this new development in our fight against COVID-19. We may have eased our COVID-19 restrictions in the new normal, but we must remain vigilant to avoid another surge. We already know that the vaccine efficacy wanes after several months, so getting the second booster shot is very important,” anang alkalde, sa isang pahayag.
Aniya, ang mga eligible individuals ay dapat na nasa 18-taong gulang pataas at nakatanggap na ng kanilang COVID-19 booster shot may tatlong buwan na ang nakakalipas.
Kung naturukan naman aniya ito ng ibang bakuna, dapat ay magpalipas muna ito ng dalawang linggo bago tanggapin ang kanyang second booster shot. “I am calling on my fellow San Juaneños to register in our registration portal again and choose the ‘2nd Booster Registration’ option to receive your second booster shot and get added protection against COVID-19,” panawagan pa ni Zamora.
- Latest
