Quezon City finalist sa ‘One Planet City’ challenge

MANILA, Philippines — Pumasok ang Quezon City bilang isa sa finalist sa One Planet City Challenge (OPCC)  ng World Wide Fund for Nature.

Ayon kay Quezon City Mayor Joy Belmonte, isang malaking karangalan na mabigyan ng pagkilala ang lungsod sa ganitong patimpalak.

Ang OPCC ay isang global competition na kumikilala sa mga lungsod para sa kanilang climate action at ambition.

Bukod sa Quezon City, pasok din bilang finalists ng Pilipinas ang Davao City at Dipolog City.

“Proud po tayo na mapabilang sa ganitong patimpalak na kumikilala sa LGUs ng Pilipinas at kinikilala ang mga ginagawa nating mga programa para sa pangangalaga ng ating kapaligiran at kalikasan,” dagdag ni Belmonte.