Higit 1K trike drivers nabiyayaan ng ‘Pantawid Pasada Program’ sa Malabon

MANILA, Philippines — Nasa 1,000 tricycle drivers ang naayudahan ng ‘Pantawid Pasada Program’ ni Malabon City Councilor Jose Lorenzo ‘Enzo’ Oreta kasabay ng dalawang linggong Enhanced Community Quarantine (ECQ).

Ayon kay Oreta, na-ging malaking tulong sa mga trike driver ang ‘pantawid pasada’ na kung saan nairaos nila ang pang-araw-araw na gastusin matapos na mabig­yan ng pinagkakitaan sa kabila ng pandemya.

Bilang tugon sa pandemya, tulong-pinansiyal na halagang P2,500.00 kapalit ng pagbibigay ng siguradong hanapbuhay sa pamamaraang pag-tulong sa mga gawain ng Pamahalaang Lungsod ang prinograma ng konsehal para sa kanyang mga kababayan. 

 Sa pahayag ng isang  tricycle driver na si Tomas  Aniceto, 38, malaking tulong ang programa ni Konsehal Oreta lalo pa at limitado ang kailangang lumabas.

“Buhay na buhay ang Bayanihang Malabonian sa gitna ng pandemya dahil sa mga ganitong klaseng programa. Bukod sa pag-iwas na magkahawaan sa virus, ay binibig-yan din natin ang ating mga tricycle at padyak drivers ng pagkakataong ipagpatuloy ang kanilang pag-asenso dahil suportado ang kanilang kabuhayan,” ani Councilor Oreta.