Lalaki kinuyog, naganap na children’s party isinumbong daw
MANILA, Philippines — Nagtamo ng mga pasa sa katawan ang isang 55-anyos na presidente ng isang asosasyon nang kuyugin ng diumano’y magkakamag-anak matapos umanong isinumbong nito ang nagaganap na children’s party na isang mass gatherings sa Brgy. San Dionisio, Parañaque City, kamakalawa ng gabi.
Nakilala ang biktimana si Alfredo Valera, pa-ngulo ng asosasyon ng kanilang compound, na sinugod umano sa bahay nito ng pito niyang kapitbahay at komprontahin hinggil sa pagsusumbong hanggang sa makitang hinahatak ito, batay sa naging panayam sa misis ng biktima na si Cecilia.
Ang pangyayari ay nakunan ng closed circuit television (CCTV).
Sinabi naman ni Arly Edrosolano, barangay police na sinita na nila ng 3 beses ang nangyaring party at hindi nagtagal ay nalaman nila na may nangyari ng gulo dahil dito.
Itinanggi naman ng biktima na isinumbong niya ang nagaganap na party.
May dati na umanong alitan ang pamilya ng biktima at ng mga suspek kaugnay sa pagsasampa ng grave coercion ng biktima.
Maghahain ng pormal na reklamo ang pamilya Valera kaugnay sa pananakit kay Alfredo na nagpapagaling pa simula nang ma-stroke noong 2019.
- Latest