Pamamahagi ng Quezon City ng cash aid, tatapusin sa loob ng 5 araw
MANILA, Philippines — Makukumpleto na ng Quezon City government ang pamamahagi ng cash aid sa mga residente na apektado ng ECQ sa loob ng limang araw.
Ayon kay QC Mayor Joy Belmonte na, sa P2.4 bilyong alokasyon ng cash aid sa lungsod, 76.70 percent na ang naipamahagi sa 605,000 pamilya sa QC.
“We distribute about 5 percent a day that give us only 5 more days and we will finish distributing cash aid,” sabi ni Belmonte.
Humingi rin ng pang-unawa si Belmonte sa mabagal na pamamahagi ng cash aid dahil nagbalik sa manual distribution ang pagkakaloob ng ayuda dahil maraming residente ang hirap sa online payment system.
May 82,000 pamilya ang hindi pa nakakakuha ng ayuda at inaasahang mapapagkalooban ang lahat ng ito sa loob ng limang araw.
- Latest