2 utas, P210 milyong shabu nasamsam sa buy-bust
MANILA, Philippines — Patay ang dalawang drug suspects matapos na makaengkuwentro ang mga operatiba ng PNP Drug Enforcement Group (PDEG), Criminal Investigation and Detection Group-Camp Crame, Philippine Drug Enforcement Agency National Capital Region (PDEA-NCR) kung saan nakumpiska ang P210.8 milyon halaga ng shabu kamakalawa ng gabi sa Las Piñas City.
Ayon kay PNP Chief General Debold Sinas nakilala ang mga nasawing suspects na sina Richard Jen Jieko Salameda Amarga, alyas Koy-Koy o Coco at Andrew Guinto Garcia. Nabatid na naganap ang insidente sa Sherack St., Brgy. Almanza Uno, Las Pin?as City dakong alas 10:15 ng gabi.
Kasabay nito, nakumpiska ng mga operatiba ang 31 kilo na shabu na nagkakahala ng P210,800,000.00, isang blackish mica red Toyota Innova; isang paper bag na naglalaman ng P1,500,000.00 boodle money na ginamit sa buy-bust money; dalawang cal. 45. na baril.
Lumilitaw sa pagsisiyasat na ang mga suspect ay kilalang distributor illegal drugs at miyembro ng ‘Sputnik Gang’ at ‘Amarga Drug Group’. Nakakakuha umano ng kanilang supply ang mga suspek mula sa ilang mga Chinese Nationals sa Myanmar at dinadala sa Pampanga.
Sinabi ni Sinas na ang nasabing operasyon ay indikasyon na tuluy-tuloy ang drug operations ng PNP sa kabila ng kanilang pag-alalay at pag-ayuda sa regulasyon at curfew bunsod ng banta ng coronavirus sa bansa.
- Latest