Desisyon ni Duterte sa MGCQ,tanggap ng Metro Manila Council
MANILA, Philippines — Tanggap ng pamunuan ng Metro Manila Council (MMC) ang naging desisyon ni Pangulong Rodrigo Duterte na huwag munang magdeklara ng ‘modified general community quarantine (MGCQ)’ hanggang wala pang bakuna na dumarating sa bansa.
Sinabi ni Metro Manila Development Authority (MMDA) at MMC Chairman Benhur Abalos na nirerespeto at tutugon ang Metro Manila Mayor’s sa desisyon ng Pangulo na ‘no vaccine, no MGCQ.’
“As what we have always emphasized, the Metro Manila mayors would always defer to the wisdom & judgement of the President,” ayon sa pahayag ni Abalos.
Anuman ang mga maging hakbang ng Pangulo, suportado umano ito ng Metro Manila Mayors partikular na sa paglaban sa COVID-19.
“We are one with him, and would exert all efforts & rally behind him in combating this Covid-19 pandemic,” dagdag pa niya.
Naunang nang napagkasunduan ng mga alkalde na ilagay sa MGCQ ang Metro Manila sa pagpasok ng Marso subalit ang huling desisyon pa rin ay nasa Inter-Agency Task Force at ni Pangulong Duterte.
- Latest
