Parolado balik-kalaboso
MANILA, Philippines — Balik kalaboso ang isang 23-anyos na parolado nang ipaaresto ito sa paglabag sa mga kondisyong itinakda ng Board of Pardon and Parole sa Pasay City, kamakalawa ng umaga.
Sa ulat ng Pasay Police Station, isinilbi ng mga tauhan ng Sub-station 8 sa isinagawang ‘Oplan Galugad/Anti-Criminality Operations’ ang Authority to effect Order of Arrest and Recommitment laban kay Samuel Badinas, residente ng Cut-Cut Bridge, Pildera 2, Brgy. 194, Pasay City.
Alas-11:30 ng umaga noog Linggo nang matsambahan si Badinas na pagala-gala sa NAIA Road, Pasay City.
Batay sa Order of Arrest at Recommitment na inisyu ni Reynaldo Bayang, Executive Secretary ng Board of Pardon and Parole (BPP), si Badinas ay lumabag sa mga kondisyon partikular sa Nos. 2 at 14 .
Ayon sa BPP, hindi dapat na lumipat ng tirahan si Badinas hanggat hindi nakakakuha ng approval ng Regional Director, Parole and Probation Administration, at para sa mga naninirahan sa Metro Manila, cities provincial capitals, na magreport 2 beses sa isang buwan sa unang taong nabigyan ng parole, at isang beses na lang kada buwan sa mga susunod na taon, na nabigong gawin ni Badinas.
Nakapiit na ang suspek sa Sub-Station 8 habang hinihintay pa ang re-commitment order.
- Latest
