Pasahero ng MRT-3 mas dumami sa ipinatupad na 60kph speed ng tren
MANILA, Philippines — Higit nang dumami ang naseserbisyuhang pasahero ng MRT-3 dahil sa mas maraming bilang ng tren na ang umaarangkada at mula nang pabilisin sa 60kph ang takbo nito.
Sa tala ng MRT-3 management, pumalo sa 134,334 ang kabuuang pasahero na sumakay sa tren kahapon mula alas-5 ng umaga hanggang alas-9 ng gabi.
Ayon sa kompanya, ito na ang pinakamara-ming pasahero na naisakay ng MRT-3 simula ng magbalik operasyon ito noong Hunyo 1, 2020.
Bukod sa pinabilis na speed ng takbo ng tren ng MRT-3 ay nagamit na rin ang mga Dahlia train na nakumpuni ng Somitomo-Mitsubishi Corporation na siyang kinontrata para sa maintenance ng naturang tren.
Una nang nasuspinde ang biyahe ng mga tren noong Marso dahil sa pandemic at istriktong community quarantine restrictions na ipinatupad ng pamahalaan.
Sa pagbubukas ng operasyon ng tren ay patuloy naman ang pagpapairal ng minimum health protocols para mapangalagaan ang kalusugan ng mga pasahero at makaiwas na mainfect ng Covid-19 virus.
- Latest
