Motor vs van: Rider patay, 2 sugatan
MANILA, Philippines — Isang rider ang nasawi habang malubha namang nasugatan ang dalawang angkas nito makaraang sumalpok ang sinasakyan nilang motorsiklo sa Isuzu Aluminum van sa lungsod ng Caloocan nitong Biyernes.
Ang biktimang si Ferdinand Etrata, 26-an-yos ng Bauang, La Union ay idineklarang dead-on-arrival sa East Avenue Medical Center sa Quezon City sanhi ng ma-tinding sugat na tinamo sa ulo.
Ang mga nasugatang backriders ay kinilala namang sina Kennie Ray Mendoza, 26, ng #1436 Gana Compound, Unang Sigaw Balintawak, Quezon City at Jeeamar Lopez, 35, ng BF Martinville, Las Piñas City.
Kasong reckless imprudence resulting in homicide at 2-counts ng physical injury and damage to property ang kakaharapin ng driver ng van na si Orlando Rirao, 45, ng Bagac, Bataan.
Sa imbestigasyon ni P/Master Sgt. Fernan Romero, alas-12 ng ha-ting gabi, habang patawid sa may EDSA patungong corner A. De Jesus St. ang van (PYQ-739) na minamaneho ni Rirao nang salpukin sa kanan at hulihang bahagi nito ng motorsiklong minamaneho ni Etrata na bumabagtas sa kahabaan ng EDSA patungong Balin-tawak, Quezon City.
Sa lakas ng pagka-kabangga, tumilapon ang mga biktima sanhi upang tumama ang ulo ni Etrata sa sementadong kalsada na kanyang ikinasawi.
- Latest
