‘Oplan Bura Tatak’ inilunsad sa BuCor

MANILA, Philippines  — Inilunsad kahapon ng Bureau of Corrections (BuCor) ang ‘Oplan Bura Tatak’ na naglalayong buwagin ang gang membership sa nasabing piitan.

Layunin nito na mapanatili ang kaayusan at katahimikan at maiwasan ang gang wars sa kulungan.

Ang nasabing programa ay isinagawa matapos ang naganap na madugong riot sa pagitan ng grupo ng ‘Sputnik at Commando’  kung saan nasa siyam na bilanggo ang nasawi at ilan pa ang nasugatan, dalawang linggo na ang nakakaraan.

Sa pagsisimula kahapon, nasa 12 bilanggo na ang nagpatanggal ng kanilang tattoo, ayon kay BuCor chief Director General Geralkd Bantag.

“ Layunin ng programang ito na maiwasan ang labanan sa pagitan ng mga gang’, dagdag pa nito.

Sinabi pa ni Bantag na para masiguro na ang mga tattoo ay hindi papalitan, nakasalalay dito ang good conduct allowance ng mga preso.

“ Nasa patakaran namin na kapag ang mga tattoo o marka ay muling ibinalik, maaapektuhan ang kanilang GCTA’, paliwanag pa ng BuCor chief.