2 Nigerian timbog sa modus ng face masks
MANILA, Philippines — Dalawang Nigerian na ‘scammer’ ang ipinaaresto ni Manila Mayor Isko Moreno gamit ang modus sa pagbebenta ng face masks .
Agad na nadakip ng Special Mayor’s Reaction Team (SMaRT)sa pangunguna ng hepe na si P/Major Rosalino Ibay Jr., ang mga suspek na sina Iringe Koko na may mga alyas Dagogo Julius at Julius Roro, 23 ng Sucat, Parañaque City at Kachia Chia Aondo Wase, 20, estudyante ng Bacoor, Cavite.
Nabatid na dumulog kay Moreno ang 19-anyos na estudyante at negosyanteng si Audrey Cassandra, residente ng Ermita, Maynila matapos maloko ng mga suspek ng P975,000 cash na walang kapalit na surgical face masks .
Inorder niya sa online ng mga suspek ang facemasks at nabayaran na ngunit nang makabayad siya ay hindi na makontak ang mga suspek.
Marso 10, 2020 nang salakayin ng SMaRT ang tinutuluyan ng suspek na si Koko, kung saan nasamsam din sa kanya ang 21 self- sealed plastic ng pinatuyong marijuana, 10 sticks ng marijuana at green ecobag na naglalaman ng mga tangkay ng marijuana, na nagkakahalaga P22,000.00, credit card at isang Alien Certification of Registration (ACR) Card ni Koko.
Nanawagan din siya sa publiko na ireport sa Manila City Hall ang anumang katulad na panloloko na ginagamit pa ang krisis ngayon sa coronavirus (COVID-19) at pangangailangan ng marami ng face masks.
- Latest
