Scholarship sa Taguig ginawang komprehensibo
MANILA, Philippines — Inilunsad ng lungsod ng Taguig ang mas komprehensibo at mas pinaangat na scholarship program na maituturing sa buong bansa bilang pagkilala sa importansya ng edukasyon sa mga kabataan.
Matapos ang isang special session nitong Biyernes, Feb. 28, 2020, inaprubahan ng Sangguniang Panlungsod ang Ordinance No. 6, Series of 2020 kung saan ipagpapatuloy ang mga kasalukuyang programa ng Taguig na nagbibigay suporta sa 55,000 scholars sa kolehiyo at 10,000 sa high school, at magdadagdag pa ng apat na bagong scholarship packages na sumusuporta naman sa mga atleta, mga estudyante sa ilang piling larangan, at sa mga public servant at kanilang mga pamilya at dependent.
Kabilang sa bagong scholarship offerings ang Advancing Sports’ Competitiveness and Excellence (ASC Excellence) Scholarship Program, unlimited scholarship sa mga estudyanteng kumukuha ng medisina, engineering at ibang field, scholarship program para sa mga Taguig public servant, at mga anak o dependents ng mga public servants ng Taguig.
Ang bagong ordinansa, na binansagang “Enhanced, Expanded, and Rationalized Taguig City Scholarship Programs,” ay bahaging inisyatibo ng lungsod upang bigyan ng mas pinalawig na scholarship programs at incentives sa secondary, college at post-graduate students, mga kumukuha ng technical-vocational o ladderized courses, maging ang mga public servant na nais mag-aral locally at internationally.
Dahil sa administratibong Cayetano, nabigyan ng halaga na ang edukasyon ay susi sa progreso at human development at patuloy na umaangat ito mula sa Taguig City scholarship program fund na P5M noong 2010 ay ngayon ay nasa P700 milyon na ito.
Lagpas na sa 8,000 scholars ang ngayon ay mga degree holder na kasama na ang 25 na may doctorate degrees at 328 ang may masters degree. Kasama rito sa mga degree holder ang 2,691 licensed professionals na mga engineers, teachers, nurses, accountants, psychometricians, criminologists, lawyers, architects at medical doctors.
- Latest
