QCPD umalerto sa mga rali
MANILA, Philippines — Nakataas ngayon sa full alert status ang pamunuan ng Quezon City Police District (QCPD) bunsod sa paggunita at pagdiriwang ng Edsa People Power Revolution ngayon araw.
Ayon sa QCPD, mahigpit ang ginagawa nila ngayon ng pagbabantay sa apat na lugar sa kanilang nasasakupan na pagdarausan ng mga rali ngayong araw.
Kabilang sa binabantayan ng QCPD na pagdarausan ng mga rali ay ang National Housing Authority (NHA), Philippine Coconut Authority, ABS-CBN compound at Welcome Rotonda.
Bukod sa protest activities ay magkakaroon din ng regular program para sa 34th anniversary ng Edsa People Power Revolution.
Ang programa ay nabatid na magsisimula ng alas-7:00 hanggang alas-10:00 ng umaga.
Nagpapaalala ang mga awtoridad sa mga motorista na asahan na ang masikip na daloy ng trapiko sa People Power Monument sa EDSA kapag nagsimula na ang programa.
- Latest