Lola nilooban, pinatay
MANILA, Philippines — Pinaniniwalaang pinatay muna saka pinagnakawan ang isang 70-anyos na lola nang matagpuan ang bangkay nito, kamakalawa ng hapon sa Malate, Manila.
Umaalingasaw na ang bangkay ni Lourdes Eusebia, alyas Evelyn Baesa, residente ng Leon Guinto St., Malate nang matagpuan dakong alas- 2:30 ng hapon.
Ayon kay P/MSgt. Mario Asilo, imbestigador ng Manila Police District-homicide, namamaga na ang katawan Eusebia dahil sa mga sugat.
Hinala ng pulisya, may dalawang araw nang patay ang biktima.
Magulo umano ang loob ng bahay ng biktima na hinalang hinalughog ng suspek.
Dinala ang bangkay sa Cruz Funeral para sa awtopsiya upang malaman kung binaril o sinaksak ang biktima.
Patuloy ang imbestigasyon ng pulisya para matukoy ang pagkakilanlan ng suspek.
- Latest