Estrella-Pantaleon Bridge, isasara na next week
MANILA, Philippines — Asahan na ang mas ma-trapik na daloy ng trapiko sa ilang lugar sa Metro Manila dahil sa Enero 12 (Sabado) ay isasara na ng Department of Public Works and Highways (DPWH) ang Estrella-Pantaleon Bridge sa Makati City.
Ito ang inilabas kahapon na traffic advisory ng Metropolitan Manila Development Authority (MMDA).
Sabi ng MMDA, sa ganap na alas-8:00 ng umaga ng Enero 12, araw ng Sabado isasara ang nabanggit na tulay, bunsod nang isasagawang demolition at reconstruction ng DPWH dito, na dapat noon pang Setyembre 2018 isasagawa.
Ang nasabing tulay ay nag-uugnay sa Makati at Mandaluyong City.
Sa isasagawang reconstruction sa Estrella-Panta-leon Bridge ay upang laparan ito na mula sa dalawang lanes ay gagawin itong apat na lanes.
Nabatid na ang timeline ng DPWH sa naturang proyekto ay para makumpleto ang konstruksiyon nito sa 2021.
Kung kaya’t mariing paalala ng MMDA sa maapektuhang motorista, na mas makakaranas sila ng masikip na daloy ng trapiko.
- Latest