NCRPO umalerto sa pagdagsa ng mananakay
MANILA, Philippines — Todo-bantay na ang National Capital Region Police Office (NCRPO) sa mga istasyon ng bus at mga daungan sa bansa dahil sa patuloy na pagdagsa ng mga mananakay na papauwi sa kanilang mga probinsya ngayong kapaskuhan.
Ayon kay NCRPO Chief Director Guillermo Eleazar, ito ay upang masiguro ang seguridad ng publiko na bibiyahe patungong mga lalawigan.
Bukod dito, libu-libong kasapi rin ng pulisya ang nagbabantay sa mga mall at shopping centers.
Sinabi pa ni Eleazar na nasa 7, 800 ang naka-deploy na mga anti-criminality effort kung saan 400 dito ay nakatalaga para ipagpatuloy ang araw-araw na paglaban sa kriminalidad.
Magtataas din umano ng alert status ang kapulisan kung ito ay kinakailangan.
- Latest