Ex-Manila police bulagta sa ambush
MANILA, Philippines — Dead-on-the-spot ang isang dating pulis nang tambangan ng riding-in-tandem habang sakay ng motor- siklo sa Balut, Tondo, Maynila, kamakalawa ng hapon.
Kinilala ni Manila Police District (MPD) director, Senior Supt. Vicente D. Danao ang nasawi na si PO3 Rodrigo Asuan Jr., 40, residente ng Ampioco St., Balut, Tondo, Maynila dahil sa mga tinamong tama ng bala sa likod.
Ayon sa ulat, dakong alas-3:15 nang maganap ang pamamaril sa hara-pan ng T. Paez Elementary School sa panulukan ng Younger at Rodriguez St., Balut, Tondo, Maynila.
Sa imbestigasyon, patungo sana sa Blumentritt sa Sta. Cruz, Maynila ang biktima para bumili ng negosyong mga itlog nang buntutan ng hindi pa kilalang mga suspek na magka-angkas sa motorsiklo at nang madikitan ay pinagbabaril nang nakatalikod hanggang sa bumagsak.
Hindi pa tukoy ang pagkakakilanlan sa mga nakatakas na suspek maging ang motibo sa pamamaslang.
Sinabi ni Danao na ang biktima ay nadismis sa Philippine National Police matapos na mag-AWOL. Huling assignment ng biktima ang MPD-Station 7, sa Abad Santos St., Tondo.
Blangko pa ang pulisya sa motibo sa krimen habang patuloy pa rin ang isinasagawang imbestigasyon sa insidente.
- Latest
