Biyahe ng MRT-3, muling nagka-aberya
MANILA, Philippines — Muling nagkaroon ng aberya ang biyahe ng Metro Rail Transit Line 3 (MRT-3) na nakaranas ng problemang teknikal at nagresulta upang maghintay ng halos isang oras ang mga pasahero, kahapon ng umaga.
Batay sa abiso ng Department of Transportation (DOTr) nabatid na dakong alas-6:51 ng umaga nang magkaroon ng technical problem sa riles sa pagitan ng northbound ng Guadalupe at Boni interstation.
Kaagad naman itong ininspeksyon at kinumpuni ng kanilang mga tracks personnel.
Dahil sa naantalang mga biyahe ng tren, kinailangan ng mga pasahero na maghintay ng halos isang oras sa mga istasyon bago tuluyang makasakay ng tren at makarating sa kani-kanilang destinasyon.
Pagsapit ng alas-7:28 ng umaga ay iniulat rin ng MRT-3 na umaabot sa 13 tren nila ang naka-deploy upang magserbisyo sa kanilang mga pasahero.
Kaagad namang humingi ng paumanhin ang MRT-3 sa pangyayari, ngunit umani pa rin ng galit ang mga ito mula sa mga apektadong commuters.
- Latest