Peña walang planong tumakbong mayor sa Makati

MANILA, Philippines — Walang plano na tumakbo sa pagka-alkalde si dating Makati City Vice Mayor Kid Peña.

Wala rin umanong planong sumawsaw ang dating na-ging acting mayor sa lungsod sa  may umuugong na balita na posibleng magkakatunggali sa susunod na halalang lokal ang magkapatid na Binay.

Ayon sa kampo ni Peña, plano nitong maging  kinatawan   ng  unang distrito ng lungsod ng Makati.

“I would not want to see another emotional battle between relatives and family members, city hall workers versus peers, neighbor against their neighbor, and broken decade-long friendships come election time,” sabi ni Peña.

Ikinalungkot nito  ang posibleng  labanan ng magkapatid  ng Binay sa politika.

Kung saan tumangging kumpirmahin ng kampo ng mga mga Binay ang naturang umuugong na balita.

Gayunman, kahit wala aniya sa posisyon si Peña ay patuloy ang pagbibigay nito ng tulong sa mga taga-Makati na nangangailangan.