P1-M halaga ng ecstasy nabawi ng PDEA
MANILA, Philippines — Tinatayang nasa isang milyong halaga ng ecstasy ang nabawi ng mga tauhan ng Philippine Drug Enforcement Agency (PDEA) mula sa isang lalaki ng kanilang inaresto sa isang buy bust operation sa Quezon City, kahapon ng madaling araw.
Kinilala ang suspek na si Carlo Santos, alyas Elmo, 38, ng ML Quezon St., Bagungbayan, Taguig City.
Ayon kay PDEA agent Wenifredo Alagabia ng Special Enforcement Agency dakong alas-2:20 ng madaling araw nang isagawa nila ang buy bust operation laban sa suspek sa may Mother Ignacia, Avenue, Quezon City.
Sinasabing ang suspek ay isa sa mga supplier ng party drug sa ilang disco houses at night club sa Quezon City.
Nabawi sa suspek ang maraming party drugs na kinabibilangan ng 330 tableta ng ecstasy, 50 kapsula ng ecstasy, 1,100ml na liquid ecstasy at 300ml ng Wari Active Spray.
- Latest