Tulak, dedo; 2 pulis sugatan sa engkuwentro
MANILA, Philippines — Patay ang isang “tulak” ng droga at dalawang pulis ang sugatan matapos magkaroon ng engkwentro ang mga ito kamakalawa ng gabi sa Pasay City.
Dead-on-the-spot ang sus-pek na si Edgardo Samson, 50, nakatira sa #1551 S. De Guzman St., Brgy. 164, Zone 18, Malibay ng naturang lungsod matapos itong magtamo ng ilang tama ng bala sa iba’t ibang bahagi ng katawan buhat sa hindi pa batid na kalibre ng baril.
Arestado naman ang anak nitong si Mark Vincent, 25, habang nakatakas naman ang isa pa nilang kasama.
Ginagamot naman sa Manila Adventist Hospital ang mga sugatang sina P03 Christina Villanueva at PO1 Arman Cenezares, kapwa nakatalaga sa Malibay Police Community Precinct (PCP) ng Pasay City Police.
Ang mga sugatang pulis ay ginawaran ng parangal ng PNP.
- Latest