2 ‘kriminal’ todas sa shootout
MANILA, Philippines — Kapwa bumulagta ang dalawang lalaki na umano’y mga notoryus na kriminal sa magkahiwalay na insidente ng pakikipagbarilan sa mga tauhan ng Pasay City Police kamakalawa ng gabi.
Sa ulat, unang napaslang ng mga tauhan ng Intelligence Section ang suspek na si Arnel Padil, isa umanong notoryus na holdaper, sa isang bahay sa Saint Joseph, Brgy. 201 Zone 20, Pasay City dakong alas-9:30 ng gabi.
Alas-11:15 nang mapaslang naman ng mga tauhan ng Station Drug Enforcement Unit ang drug suspect na si Salvador Evangelista, Jr., sa ikinasang buy-bust operation sa No. 704 Apelo Cruz Street, Brgy. 157 Zone 16, naturang lungsod. Nang makabili ang mga pulis ng droga sa suspek, nakahalata umano si Evangelista kaya nagtatakbo siya sa itaas ng kanyang bahay. Hinabol naman ang suspek nina PO1 James Paul Callo at PO1 Jay-R Orquino na sinalubong ng putok ng baril ng suspek sa ikatlong palapag ng bahay. Gumanti ng putok ang mga pulis at tinamaan ang suspek sa katawan dahilan ng kanyang kamatayan.
Narekober ang isang plastic sachet ng shabu na ibinenta ng suspek at isang kalibre .38 na baril.
- Latest