Call center agent, tumalon mula 8th floor ng hospital
MANILA, Philippines — Isang 46-anyos na lalaking call center agent ang nagpakamatay matapos itong tumalon mula sa ika-walong pa-lapag ng isang hospital sa EDSA Southbound, Brgy. Highway Hills, Mandaluyong City nitong Biyernes ng umaga.
Sa report ni Mandaluyong City Police Chief P/Supt. Moises Villaceran Jr., nangyari ang insidente sa Victor R. Potenciano Hospital dakong alas-5:05 ng umaga sa nasabing lungsod.
Sa nakalap na impormasyon sa mga staff ng hospital, kinilala ang nasawi na si Robert Resuriaga, binata, nanunuluyan sa N. Garcia St., Brgy. Valenzuela, Makati City.
Ayon kay Villaceran sa paunang imbestigas-yon, kasalukuyang naka-duty ang nakasaksing security guard na si Jeffrey Hawod sa hospital nang makarinig ito ng ingay mula sa itaas ng hospital at nang alamin ito ay nakita nito ang tumatagas na dugo mula sa katawan ng biktima na sumabit sa beranda ng hospital.
Sa pahayag sa mga awtoridad ni Jerico Capili, 34, kasamahan ng biktima sa tinutuluyan nito sa lungsod ng Makati at nagbabantay sa maysakit na biktima sa Room 821, 8th floor ng nasabing pagamutan nakatulog umano siya habang nakikinig ng music sa cellphone gamit ang airphone ng mangyari ang insidente kaya’t wala siyang na-rinig.
Nabatid na ang biktima ay na-confine sa nasabing pagamutan sa karamdaman nito na hindi na tinukoy ng mga staff at naka-iskedyul na ang kaniyang operasyon.
- Latest
