Oil price hike uli!

MANILA, Philippines — Makaraan ang barya -baryang oil price rollback, nagpatupad na naman ng bigtime oil price hike ang mga oil companies epektibo sa araw na ito ng Martes.

Pinangunahan ng Pilipinas Shell, Flying V, Seaoil at Phoenix Petroleum Philippines ang dagdag presyo na P1.10 kada litro ng gasolina, P1.20 naman sa kada litro ng diesel, at P0.95 kada litro sa kerosene epektibo ngayong alas-6 ng umaga.

Inaasahan naman na susunod na maglalabas ng anunsyo ang iba pang kompanya ng langis sa pagpapatupad ng dagdag presyo sa mga produktong petrolyo sa kahalintulad na halaga.

Ang ipinatupad na oil price hike ay bunsod sa patuloy na paggalaw ng presyuhan nito sa pandaigdigang pamilihan.