Lola nahulihan ng baril sa NAIA

MANILA, Philippines — Isang 63-anyos na lola ang inaresto ng mga awtoridad sa Ninoy Aquino International Airport (NAIA) Terminal 3 matapos makita ang isang baril sa dala nitong bag nang pumasok sa initial screening checkpoint sa Departure Gate 6.

Nakilala ang lola na isang alyas Grace Castro, na nahulihan ng isang kalibre. 38 baril na nadiskubre sa loob ng kanyang bag nang dumaan sa x-ray machine sa NAIA Terminal 3.

Ayon sa ulat, hindi pasahero ang matandang babae pero nagsisigaw ito sa departure area nang imbitahan ito para maimbestigahan.

Nasa kustodya ng PNP Aviation Security Group ang suspect. Ang baril  na nahuli ay walang bala.