May sakit sa isip, nagbigti

MANILA, Philippines – Dahil daw sa  depresyon, isang binata na sinasabing may sakit  sa pag-iisip ang nagbigti sa sarili sa Quezon City kahapon ng umaga.

Kinilala  ang  biktima ng mga  tauhan ng Scene on the Crime Operation (SOCO) ng Quezon City Police District (QCPD) na si Jophel Relano Maico, 30, nakatira  sa No. 407 Rotinio, San Isidro, Parañaque City.

Si Maico ay nakita na lamang ng mga staff ng Psychiatrist center sa Brgy. Amihan sa Quezon City na nakabitin gamit  ang pinagbuhol buhol  na kumot kung saan wala na siyang buhay dahil  sa matinding pagkakasakal ng  leeg at nakaluwa pa ang dila nito.

Nabatid na ang biktima ay pansamantalang naka-confined sa nasabing  center  dahil sa kanyang sakit.

Ayon sa SOCO,  posibleng hindi na nakayanan ng biktima ang sakit na nagdulot ng depresyon sa kanya kaya nagpatiwakal  ito  para matakasan  ang mabigat na problema.