Kalansay ng tao nakuha sa drum na sinemento

MANILA, Philippines - Narekober ang kalansay o mga buto ng tao mula sa isang drum na isinemento at inilubog sa Estero dela Reina, na nadiskubre lamang maka­raang ta­maan ng backhoe na nagsasagawa ng pag­huhukay sa Binondo, Maynila, kamakalawa ng hapon.

Sa ulat ni SPO2 Jonathan Bautista ng Manila Police District-Homicide Section, dakong alas-4:00 ng hapon ng tamaan ng backhoe na ino-operate ni Jesus­ Punla, 48, ang drum na nakabaon sa dred­ging site.

Nang buksan ang takip ng drum ay natambad ang kalansay ng tao. Patuloy pa rin ang isinasagawang imbestigasyon ukol dito.