Lalaki inatado

MANILA, Philippines - Isang lalaki ang patay makaraang pagsasaksakin sa loob ng Cloverleaf Market sa Balintawak, Quezon City, kamakalawa ng gabi.

Ayon kay PO2 Louie Serbito, inilarawan ang biktima na nasa pagitan ng edad na 30-35, nakasuot ng Jersey t-shirt na may markang Duncan, at 6-pockets na short pants, may tattoo na “Elmer” sa kanyang kaliwang braso.

Blangko rin ang otoridad sa pagtukoy sa suspek, dahil wala namang nakakita sa nasabing pananaksak.

Ang biktima ay nadis­kubre sa may harap ng Pinky’s Store na matatagpuan sa Cloverleaf market, Balintawak, Brgy. Bali­ngasa, alas-11:30 ng gabi.

Sabi ng isang Julius Sison, nakita na lamang umano niyang bumuwal ang biktima sa lugar hanggang sa tumawag na ang ilang concerned citizen sa otoridad.

Sa pagsisiyasat ng Scene of the Crime Operatives (SOCO) nagtamo ang biktima ng multiple stab wounds sa kanyang ka­tawan na siyang ikinamatay nito.