MANILA, PHilippines - Dalawang traffic enforcer ng Metro Manila Development Authority na sina Ryan Diaz at Jonathan Lavente ang nakulong at nahaharap sa kasong robbery-extortion makaraang kotongan nila ang 43 anyos na Amerikanong si Daniel Staehelin at kaibigan nitong 25 anyos na Pilipinang si Janice de Belen sa kanto ng EDSA at Park Avenue sa Pasay City kahapon ng umaga.
Nabawi sa mga suspek ang P1,000 at $60 na nakuha nila sa biktima. (Danilo Garcia)