Labing-anim na oras na mawawalan ng suplay ng tubig ang ilang mga lugar sa Parañaque City mula alas- 12:30 ng madaling-araw hanggang alas-4:30 ng hapon sa Huwebes, Mayo 1. Ayon sa Maynilad Waters, ang pagkawala ng suplay ng tubig ay bunga ng gagawing pagkakabit ng 300-mm pipelines sa kasalukuyang 400-mm mainline sa kahabaan ng Quirino Ave. malapit sa K. Domingo St. at sa kasalukuyang 600-mm mainline sa kahabaan ng Quirino Ave. malapit sa Pelaez St. sa naturang lungsod. Ang mga apektadong lugar ay ang Palanyag Road; J. De Leon; Gatchalian 1; R. Medina; Aurenina; Espiritu; Villanueva; Multinational; Green Court; Palanyag/Canaynay; Bernabe; Salvador Estate; at Claramen.
Gayundin, walang tubig sa mga lugar ng Villa Lourdes; Valley 2, 11, 12, 13, 14, 15; Fortunata Village; Dela Cruz Compound; Cruz Compound; Topland; SM/ LPHI/ Virra Mall; San Dionisio; La Huerta; Dongalo; Sto. Niño; at Tambo sa Parañaque. (Angie dela Cruz)
