Ipinasisibak ni Manila Mayor Alfred Lim ang mga guro na mananakit ng kanilang mga estudyante. Ayon kay Lim, bagamat makukulit ang mga estudyante, walang karapatan ang sinumang guro na manakit dahil sila ang itinuturing na ikalawang magulang ng mga ito sa loob ng paaralan. Sinabi ni Lim na pangunahing layunin ng kanyang administrasyon at ng mga magulang na masiguro ang kapakanan ng mga estudyante sa kamay ng kanilang guro. Binigyan-diin din ni Lim na mahigpit pa rin ang pagpapatupad ng “zero tuition, zero donations” policy sa lahat ng mga pampublikong paaralan sa elementary, secondary at tertiary. Inutos na rin niya ang pagpapalabas ng karagdagang P1,000 sa sahod ng mga public school teachers. (Doris Franche)