Halos hindi na makilala ang mukha dahil sa naagnas na nang matagpuan ang biktima na tinatayang nasa edad 20 pataas, nakasuot ng puting bikini, itim na bra at puting t-shirt na may larawan ni Mickey Mouse.
Base sa imbestigasyon ni Det. Athos de Quiros ng Western Police District-Homicide Section, dakong alas-10:30 ng umaga nang mamataan ni Jun Mirandilla, isang mangingisda ang bangkay ng nasabing babae.
Napag-alaman sa pulisya na maaaring isa sa loob ng mga nakahimpil na barko hinalay ang naturang babae bago ito itinapon sa dagat.
Isang masusing imbestigasyon ang isinasagawa ukol dito. (Ulat ni Ellen Fernando)