Brgy. chairman inutas ng tandem

MANILA, Philippines — Isang barangay chairman ang nasawi nang pagbabarilin ng riding in tandem sa bayan ng Esperanza, Sultan Kudarat, kamakalawa ng tanghali.

Kinilala ang nasawing biktima na si Datu Manalo Mangelen Nur Sr., Chairman ng Brgy. Dados, Datu Odin Sinsuat, Maguindanao del Norte.

Sa ulat ng Sultan Kudarat Provincial Police Office, alas-11:00 ng tanghali nang mangyari ang krimen sa provincial road ng bayan ng Esperanza.

Sa imbestigasyon kasalukuyang lulan ng kulay itim na Nissan Navara pickup ang biktima na bumabagtas sa provincial road patungo sa kaniyang farm sa bayan ng Esperanza nang pagbabarilin ng riding in tandem.

Ang biktima ay mabilis na isinugod sa pagamutan pero idineklara na itong dead-on-arrival sanhi ng mga tama ng bala sa iba’t ibang bahagi ng katawan.