Love story
Dear Banat News ,
Maayong adlaw sa tanan nga mga suking readers sa Love Story. Ako diay si Kiannu, 25 years old, taga Capitol Site, Cebu City.
Duna koy girfriend karon, siya si Myka, 23, years old, taga Pahina San Nicolas. Kapin na sa usa ka tuig ang among relasyon.
Nagkaila mi ni Myka tungod kay gidala siya sa usa nako ka friend sa dihang nag-jam mi sa akong barkada sa usa ka imnanan.
Siyempre, normal man gyud nang ila-ila ug ako dayon napansin ang iyang kaguwapa. Nangayo ko sa iyang number.
Nagkasuod mi, ug sweet naa na kaayo mi sa usa'g-usa. Tawo ra pud ta, tungod kay nagkailhanay naman mi sa usa'g-usa, nigrabe akong feelings ug nanguyab ko niya. Niabot gyud og tulo ka bulan ang akong pagpanguyab sa wala pako niya sugta.
Sama sa ubang mag-uyab, nag-agi sad mi og mga pagsulay uy. Naay time nga gisamok ko sa akong ex ug giaway niya og maayo si Myka sa Facebook.
Ambot sad ni akong ex uy, pagkahibalo nga naa nakoy uyab, niparamdam man og kalit, apan wala gyud ko nipatol niya kay loyal ko ni Myka.
Ganahan kay ko ni Myka kay wala siya’y attitude problem. Daghang boys ang ni-attempt og pa-cute kaniya apan puros niya kini gipangdedma.
Sa akong bahin, naa pu’y girls nga mo-flirt kanako sa Facebook apan wala nako sila tagda. Para nako , dili nako sudlan ang butang nga magdala og gubot sa among relasyon.
Kontento nako kang Myka busa dili na gyud ko matintal sa laing babaye. Gimingaw na kay ko niya, sige lang, inigkahuman sa ECQ , magtagbaw gyud mi og date.
Request lang ko sa lyrics sa The Only Exception by Paramore.
* * *
Hi Kiannu! Thank you so much sa imong LOVE STORY! Paabuta ugma puhon ang imong request.
Dear suking readers, aduna ba kamo’y LOVE STORY? Suwata ka na ug ipadala pinaagi sa pag-like sa atong Facebook Page: Banat News Hugyaw (BNH) o Banat News. I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.
- Latest